اس ام اس خنده دارحیدر بابا ، ایلدریملار شاخاندا،
سئللر ، سولار شاقلیدایوب آخاندا
قیزلار اونا صف باغلیوب باخاندا،
سلام اولسونشوکتوزه ، ائلوزه
منیمده بیر آدیم گلسین دیلوزه.
حیدربابا ، کهلیکلرون اوچاندا
کول دیبینن دوشان قالخوب ، قاچاندا،
باخچالارون چیچکلنوب آچاندا
بیزدن ده بیر ممکن اولسا ، یاد ائله
آچیلمیان اورکلری شاد ائله .
بایرام یئلی چارداخلاری ییخاندا،
نوروز گلی ، قارچیچگی چیخاندا،
آغ بولوتلار کوینکلرین سیخاندا
بیزدن ده بیر یاد ائلیه ین ساغ اولسون
دردلریمیز قوی دیکلسون داغ اولسون
حیدربابا، گون دالیوی داغلاسین
اوزون گولسون ، بولاخلارون آغلاسین
اوشاخلارون بیر دسته گل باغلاسین
یئل گلنده وئر گتیرسین بویانا
بلکه منیم یاتمیش بختیم اویانا
حیدربابا، سنون اوزون آغ اولسون !
دورت بیر یانون بولاغ اولسون باغ اولسون !
بیزدن سوراسنون باشون ساغ اولسون!
دنیا قضو- قدر ، ئولوم – ایتیمدی!
دنیا بوی اوغولوسوزدی ، یتیمدی!
حیدربابا ، یولوم سند ن کج اولدی ،
عمروم گئچدی ، گلمه دیم گئج اولدی ،
هئچ بیلمه دیم گوزه للرون نئج اولدی
بیملزدیم دؤنگه لروار ، دؤنوم وار،
ایتگین لیک وار ، آیریلیق وار ، اؤلوم وار.
حیدربابا، ایگیت امک ایتیرمز،
عومور گئچر، افسوس بره بیتیرمز،
نامرد اولان عمری باشاء یئتیرمز.
بیزده ، واللاه ، اونوتماریق سیزلری،
گورتمه سک حلال ائدون بیزلری.
حیدر بابا، میر اژدر سسلننده
کند ایچینه سسدن – کویدن دوشنده
عاشیق رستم ، سازین دیللندیرنده،
یادیندادیر نه هولسک قاچاردیم؟
قوشلارتکین قاناد چالیب اوچاردیم؟
شنگل آوا یوردی عاشیق آلماسی ،
گاه دا گئدوب اوردا قوناق قالماسی،
داش آتماسی ، آلما ، هیوا سالماسی،
قالیب شیرین یوخی کیمی یادیمدا،
اثر قویوب روحیمدا هرزدایمدا.
حیدربابا ، قوری گولون قازلاری ،
گدیکلرون سازاخ چالان سازلاری،
کت - کوشنین پاییزلاری ، یازلاری
بیر سینما پرده سی دیر گوزومده،
تک اوتوروب ،سیر ائدیرم ئوزومده.
حیدربابا، قره چمن جاداسی،
چووشلارین گله رسی – صداسی
کربلیا گئدنلرین قاداسی
دوشسون بو آج یولسوزلارین گوزونه،
تمدنون اویدوخ یالان سوزونه!
حیدربابا، شیطان بیزی آزدیریب ،
محبتی اورکلردن قازدیریب،
قره گونون سرنوشتین یازدیریب
سالیب خلقی بیر-بیرینون جانینا!
باریشغی بلشدیروب قانینا!
خدمتی جدید